2021 АШЫҚӘС 11 МЗЫ РЫЛА ИАЛАГАЛОУ АШӘАХТӘ РБАГАҚӘА

7 Декабря 2021

Аԥсны Аҳәынҭқарра Ашәахтәқәеи аизгақәеи рминистрреи, Аҟәа ақалақьи егьырҭ аинспекциақәеи ҳазҭоу ашықәс 11 мзы ирылагӡаны инанагӡаз аусура алҵшәақәа реихшьаала инақәыршәаны, Аԥсны абиуџьет иалагалоуп 3 090, 0 млн. мааҭ ашәахтәқәа, уи аан аплан ишьақәнаргылон 2 658,8 млн. мааҭ. Аплан нагӡоуп 116% рыла. Аԥаратә рбагақәа рыла аплан иарбаз аасҭа 431,3 млн. мааҭ рыла еиҳаны иалагалан. Иаҳхысыз ашықәсаз уажәааны иалагалаз ашәахтәқәа ирҿырԥшны, ашәахтәқәа ралагалара адинамика 138 % инаӡоит, ԥаратә рбагала уи ишьақәнаргылоит 858,9 млн. мааҭ.

2021-тәи ашықәс 11 мзы ирылагӡаны Аԥсны араионқәа рҟны иалагалан анаҩстәи ашәахтә шәатәқәа:

Аҟәа ақалақь – иалагалан 1 552,6 млн. мааҭ, аплан ишьақәнаргылон 1 433,4 млн. мааҭ. Аплан нагӡоуп 108% рыла.

Гагра араион – иалагалан 825,8 млн. мааҭ, аплан ишьақәнаргылон 661,4млн. мааҭ. Аплан нагӡоуп 125% рыла.

Гәдоуҭа араион – иалагалан 317,4 млн. мааҭ, аплан ишьақәнаргылон 207,8 млн. мааҭ. Аплан нагӡоуп 153% рыла.

Аҟәа араион – иалагалан 147,8 млн. мааҭ, аплан ишьақәнаргылон 126,1 млн. мааҭ. Аплан нагӡоуп 117 % рыла.

Гәылрыԥшь араион – иалагалан 72,1 млн. мааҭ, аплан ишьақәнаргылон 52,5 млн. мааҭ. Аплан нагӡоуп 137% рыла.

Очамчыра араион – иалагалан 109,8 млн. мааҭ, аплан ишьақәнаргылон 121,4 млн. мааҭ. Аплан нагӡоуп 90% рыла.

Тҟәарчал араион – иалагалан 22,7 млн. мааҭ, аплан ишьақәнаргылон 18,4 млн. мааҭ. Аплан нагӡоуп 123% рыла.

Гал араион – иалагалан 42,0 млн. мааҭ, аплан ишьақәнаргылон 37,8 млн. мааҭ. Аплан нагӡоуп 111% рыла.

Ҳазҭоу ашықәс абҵарамза иалагӡаны, Аԥсны Аҳәынҭқарра Ашәахтәқәеи аизгақәеи рминистрра еизнагеит 310,1 млн.мааҭ, аплан ишьақәнаргылон 245,7 млн. мааҭ. Аплан нагӡоуп 126% рыла.

Асиахь ахынхәра